వేణు ఊడుగుల, రాహుల్ మోపిదేవి నిర్మాతలుగా సాయిలు కంపాటి దర్శకత్వంలో డోలాముఖి సబాల్టర్న్ ఫిల్మ్స్, మాన్సూన్స్ టేల్స్ మూవీ టైటిల్ ‘రాజు వెడ్స్ రాంబాయి’- టైటిల్ గ్లింప్స్ లాంచ్, ఫిబ్రవరి 14, 2025న థియేట్రికల్ రిలీజ్
‘నీది నాది ఒకే కథ’, విరాట పర్వం వంటి విమర్శకుల ప్రశంసలు పొందిన దర్శకుడు వేణు ఉడుగుల నిర్మాతగా మారి తన తొలి నిర్మాణ సంస్థను అనౌన్స్ చేశారు, రాహుల్ మోపిదేవితో కలిసి డోలాముఖి సబాల్టర్న్ ఫిల్మ్స్, మాన్సూన్స్ టేల్స్ బ్యానర్పై సినిమాని నిర్మిస్తున్నారు. సాయిలు కంపాటి ఈ సినిమాతో దర్శకుడిగా పరిచయం అవుతున్నాడు.
ఈ చిత్రానికి మేకర్స్ ‘రాజు వెడ్స్ రాంబాయి’ అనే ఆసక్తికరమైన టైటిల్ను అనౌన్స్ చేశారు. ఖమ్మం, వరంగల్ బోర్డర్ నేపథ్యంలో సాగే ఈ సినిమా యదార్థ కథ ఆధారంగా తెరకెక్కింది. నిజ జీవిత సంఘటనల ఆధారంగా రూపొందించబడిన మూవీస్ ఎల్లప్పుడూ ప్రేక్షకులలో ప్రత్యేకమైన ఆసక్తిని రేకెత్తిస్తాయి. రాజు వెడ్స్ రాంబాయి శాశ్వతమైన ముద్ర వేయడానికి సిద్ధంగా ఉంది.
నిర్మాత వేణు ఊడుగుల మాట్లాడుతూ.. సాయిలు నాతో మూడేళ్లుగా ట్రావెల్ చేస్తున్నాడు. ఒకరోజు వాళ్ళ ప్రాంతంలో జరిగిన ఒక ట్రూ ఇన్సిడెంట్ ని బేస్ చేసుకుని ఒక కథ రాశానని చెప్పాడు. ఆ కథ విన్న తర్వాత నాకు ఒక ఎక్స్ట్రార్డినరీ ఫీలింగ్ కలిగింది. ఎక్సైట్మెంట్ వచ్చింది. కథలో ఉన్న ఎన్నో సెన్స్, కథ జరిగే ప్రాంతం, పాత్రలు, ఆ పాత్రల మధ్య సంఘర్షణ అన్ని నన్ను బాగా ఎట్రాక్ట్ చేశాయి. క్లైమాక్స్ మూడు రోజులపాటు నిద్రపోనివ్వలేదు. ఇంత వైవిధ్యమైనటువంటి ప్రేమ కథని నేనెప్పుడూ చూడలేదు వినలేదు. ఈ కథని సినిమాగా తీయాలని స్ట్రాంగ్ ఇంటెన్షన్ తో ఈటీవీ విన్ వాళ్లతో షేర్ చేయడం జరిగింది. వాళ్లు కూడా కథ విని హ్యాపీగా ఫీలయ్యారు. ఈ కొలాబరేషన్ తో మీ ముందుకు వచ్చాం. ఇప్పుడు టైటిల్ గ్లింప్స్ ని రిలీజ్ చేశాం. ఇది మీ అందరికీ నచ్చడం చాలా ఆనందంగా వుంది’ అన్నారు.
ఈటీవీ విన్ బిజినెస్ హెడ్ సాయి కృష్ణ మాట్లాడుతూ.. ఇది రియల్ ఇన్సిడెంట్ బేస్డ్ కథ. పాత్రలన్నీ చాలా సహజంగా వుంటాయి. ఇద్దరం కలసి ప్రొడ్యూస్ చేసి థియేటర్స్ లో గ్రాండ్ గా రిలీజ్ చేస్తున్నాం. సినిమా తప్పకుండా అందరినీ గొప్పగా అలరిస్తుంది’ అన్నారు.
ఈటీవీ విన్ కంటెంట్ హెడ్ నితిన్ మాట్లాడుతూ..థియేటర్స్ కి సత్తా వున్న కథని తీసుకెళ్దామని అనుకున్నాం, అందులో మేము చేస్తున్న మొదటి ప్రయత్నం రాజు వెడ్స్ రాంబాయి. ఈ కథ విన్నప్పుడే థియేటర్స్ సినిమా అనుకున్నాం. గొప్ప థియేటర్స్ ఎక్స్ పీరియన్స్ ఇచ్చే సినిమా ఇది’ అన్నారు.