“ది ఇండియన్ స్టోరి” మూవీ రివ్యూ

0
66

చిత్రం: ది ఇండియన్ స్టోరి

విడుదల తేదీ: 03-05-2024

నటీనటులు – రాజ్ భీమ్ రెడ్డి, జరా ఖాన్, చమ్మక్ చంద్ర, ముక్తార్ ఖాన్, రామరాజు, సమీర్, సీవీఎల్ నరసింహారావు, అనంత్ తదితరులు

స్టంట్ – శంకర్, ఆది

మ్యూజిక్ – సందీప్ కనుగుల

ఎడిటర్ – జేపి

డీవోపీ – నిమ్మల జైపాల్ రెడ్డి

కో ప్రొడ్యూసర్ – కమల్ హాసన్ పాత్రుని

ఎగ్జిక్యూటివ్ ప్రొడ్యూసర్ – జానకి రామ్ పమరాజు

ప్రొడ్యూసర్ – రాజ్ భీమ్ రెడ్డి

దర్శకత్వం – ఆర్ రాజశేఖర్ రెడ్డి

సందేశం ఉన్న సినిమాలు ఆర్ట్ మూవీస్, డాక్యుమెంటరీస్ గా పరిగనింపబడతాయి. ఈ మెసేజ్ ఓరియెంటెడ్ మూవీస్ తో ప్రేక్షకుల్ని ఆకట్టుకోవడం కత్తిమీద సాము లాంటిది. ఆడియెన్స్ కి కావాల్సిన ఎంటర్ టైన్ మెంట్, కమర్షియల్ ఎలిమెంట్స్, తో పాటూ మంచిని చెప్పే మెసేజ్ తో సినిమా రూపొందించి ఆకట్టుకోవడం చాలా తక్కువ సినిమాల విషయంలో జరుగుతుంది. అలా సందేశం, వినోదం కలిపి ప్రేక్షకుల ముందుకొచ్చిన సినిమా “ది ఇండియన్ స్టోరి”. రాజ్ భీమ్ రెడ్డి, జరా ఖాన్ హీరో హీరోయిన్లుగా నటించిన ఈ సినిమా ఎలా ఉందో రివ్యూలో చూద్దాం.

కథ:

అల్ప సంఖ్యాక వర్గం తామని, అందుకే అణచివేతకు గురవుతున్నామనే భావనతో ముస్లిం వర్గం బాధపడుతుంటుంది. సంఖ్యలో మెజారిటీ అయినా ఐక్యత లేకపోవడం వల్ల నష్టపోతున్నామని హిందూ వర్గం భావిస్తుంటుంది. ఈ ఆలోచనలతో రెండు వర్గాలు పరస్పరం దాడులు చేసుకుంటూ ఉంటాయి. ముస్లింలకు కబీర్ ఖాన్ (ముక్తార్ ఖాన్), హిందువులకు శ్రీరామ్ (రామరాజు) నాయకత్వం వహిస్తుంటారు. ఈ ఇద్దరు నాయకుల ఆధ్వర్యంలో హిందూ ముస్లిం దాడులు పెరుగుతుంటాయి. ఇది గమనించిన రాజ్ (రాజ్ భీమ్ రెడ్డి) అనే జర్నలిస్ట్ మత విద్వేషాలకు ఫుల్ స్టాప్ పెట్టాలని పథకం ఆలోచిస్తాడు. సమాజంలో మతం పేరుతో గొడవలు జరగకూడదని రంగంలోకి దిగుతాడు. ఇందుకోసం అతనేం చేశాడు. తన పనిలో సక్సెస్ అయ్యాడా లేదా. ఈ క్రమంలో కబీర్ ఖాన్, శ్రీరామ్ గురించి అతను తెలుసుకున్న ఆశ్చర్యకర నిజం ఏంటి. ఈ కథలో ఫేకు (చమ్మక్ చంద్ర) క్యారెక్టర్ ఏంటి. ఆయేషా (జరా ఖాన్)తో రాజ్ ప్రేమ సఫలం అయ్యిందా లేదా అనేది మిగిలిన కథ.

నటీనటుల పనితీరు:

హీరోగా తన నటన, ఫైట్స్, కామెడీఅంచి ఈజ్ తో చేశాడు రాజ్ భీమ్ రెడ్డి. పాత్రకి తగ్గట్టు సటిల్డ్ గా పర్ ఫార్మ్ చేశాడు. నిర్మాతగా ఆయన అభిరుచి, నటుడిగా ప్రతిభ ఈ సినిమాలో కనిపిస్తాయి. ఫైట్స్ హైలైట్ అయ్యాయి. ఫేకు గా చమ్మక్ చంద్ర తన కెరీర్ బెస్ట్ పర్ ఫార్మెన్స్ చేశాడు. ప్రతి సీన్ లో నవ్విస్తూనే ఉన్నాడు చమ్మక్ చంద్ర. అలాగే హీరోయిన్ జరా ఖాన్ పర్ ఫార్మెన్స్ బాగుంది. శ్రీరామ్ గా రామరాజు, కబీర్ ఖాన్ గా ముక్తార్ ఖాన్ తమ పాత్రలకు తమకున్న అపార నటనానుభవంతో మెప్పించారు

సాంకేతిక నిపుణుల పనితీరు:

టెక్నికల్ గా “ది ఇండియన్ స్టోరి” మంచి క్వాలిటీతో నిర్మించారు. ఎడిటింగ్, స్టంట్స్, సినిమాటోగ్రఫీ, మ్యూజిక్ ఆకర్షణగా నిలుస్తాయి. మంచి సినిమా చూడాలని అనుకునేవారిని “ది ఇండియన్ స్టోరి” నిరాశపరచదు.

విశ్లేషణ:

తమ జీవితం బాగుంటే చాలు అనుకునే స్వార్థపరులు రాజకీయాల్లో ఎక్కువ. అలాంటి వారి నాయకత్వం వల్లే సమాజంలో అభివృద్ధి ఆగిపోతోంది. ఇలాగే మతం పేరుతో కూడా హింసను ప్రేరేపిస్తున్నారు కొందరు నాయకులు. అలాంటి ఇద్దరు నాయకుల ఆట కట్టించిన హీరో కథే “ది ఇండియన్ స్టోరి”. హిందువుల వర్గానికి నాయకుడైన శ్రీరామ్ (రామరాజు) శక్తి సేన పేరుతో పార్టీ పెడతాడు. ముస్లిం లీడర్ కబీర్ ఖాన్ ముస్లిం లీగ్ పేరుతో రాజకీయాల్లోకి వస్తాడు. వీరిద్దరు హత్యా రాజకీయాలు, మతం పేరుతో దాడులు చేయిస్తుంటారు. ఈ హత్యల వెనక కారణాలు తెలుసుకునేందుకు రాజ్ అనే జర్నలిస్ట్ ఓ పథకం ప్రకారం రంగంలోకి దిగుతాడు. ఈ క్రమంలో అతను శ్రీరామ్ గురించి కబీర్ ఖాన్ గురించి తెలుసుకున్న విషయాలు ప్రేక్షకుల్ని అవాక్కయ్యేలా చేస్తాయి. వారు పుట్టి పెరిగిన నేపథ్యం, ఎదిగిన క్రమం ఆశ్చర్యపరుస్తాయి.

రాజ్ ను రెహమాన్ గా పరిచయం చేసిన దర్శకుడు ఆర్ రాజశేఖర్ రెడ్డి ఒక ఇంట్రెస్టింగ్ స్క్రీన్ ప్లే సాగించాడు. రెహమాన్ క్యారెక్టర్ ద్వారా ప్రతి సీన్ ఆసక్తికరంగా మలుస్తూ కథను తీసుకెళ్లాడు. ఇంటర్వెల్ లో ఒక బ్యాంగ్ తో మరింత ఆసక్తికరంగా మలిచారు.

సరదాగా సాగిన పస్టాఫ్, సెకండ్ హాఫ్ నుంచి సీరియస్ నెస్ తో వెళ్తుంది. చివరలో మంచి సందేశంతో సినిమాను ముగించారు.కామెడీగా ఉంటూనే కథలో మెసేజ్ , సీరియస్ నెస్ కొనసాగుతూ ఉంటుంది. ఈ కథను ఏమాత్రం అటూ ఇటూగా చూపినా అది ప్రమాదకరం అందుకే దర్శక నిర్మాతలు ఎంతో జాగ్రత్తగా మూవీని తెరకెక్కించారు. తాము చెప్పదల్చుకున్న పాయింట్ ను మాత్రమే ఈ సినిమాలో చూపించారు. మతం పేరుతో మన మధ్య చిచ్చు పెట్టేవారి పట్ల ప్రజలు అప్రమత్తంగా ఉండాలనే మంచి సందేశాన్నిచ్చింది “ది ఇండియన్ స్టోరి” సినిమా.

చివరగా: ఆకట్టుకునే సందేశంతో కూడిన అలరించే వినోదం

రేటింగ్: 2.75/5

LEAVE A REPLY

Please enter your comment!
Please enter your name here