సినిమా నా ఊపిరి. ఆ ఊపిరి మీద ఒట్టేసి చెబుతున్నా.. డిసెంబర్ 7న మీరంతా ‘హాయ్ నాన్న’ తో ప్రేమలో పడిపోతారు: ట్రైలర్ లాంచ్ ఈవెంట్ లో నేచురల్ స్టార్ నాని

0
153

-నేచురల్ స్టార్ నాని, మృణాల్ ఠాకూర్, శౌర్యువ్, వైర ఎంటర్‌టైన్‌మెంట్స్ ‘హాయ్ నాన్న’ థియేట్రికల్ ట్రైలర్ గ్రాండ్ విడుదల

నేచురల్ స్టార్ నాని మోస్ట్ అవైటెడ్ పాన్ ఇండియా ఎంటర్‌టైనర్ ‘హాయ్ నాన్న’.  వైర ఎంటర్‌టైన్‌మెంట్ మొదటి ప్రొడక్షన్ వెంచర్‌ గా రూపొందిన ఈ చిత్రం ద్వారా శౌర్యువ్ దర్శకుడిగా పరిచయం అవుతున్నారు. ప్రేక్షకులు ఎంతో ఉత్సాహంగా ఎదురుచూస్తున్న ఈ చిత్రం థియేట్రికల్ ట్రైలర్ ని గ్రాండ్ లాంచ్ చేశారు.

నాని ఒక రాజు కథను చెప్పడంతో ట్రైలర్ ప్రారంభమవుతుంది. అందులో తల్లి పాత్ర లేనప్పుడు, పాప తన తల్లి కథను చెప్పని కోరుతుంది. అతను ప్రతిదీ వివరిస్తాడు కానీ ఆమె తల్లి గురించి ఏదో దాచిపెడతాడు. కథలో చాలా ఎమోషన్ ఉంది, దీంతో పాప తన తల్లి గురించి తండ్రిని ఇబ్బందిపెట్టాలని అనుకోదు. కథలో ఆసక్తికరమైన అంశం ఏమిటంటే, పాప కొత్త స్నేహితురాలు యష్నా (మృణాల్)ని తన తల్లిగా ఊహించుకుంటుంది. అయితే, శృతి హాసన్, విరాజ్ భార్యగా, మహి తల్లిగా రివిల్ అవుతుంది.

ట్రైల‌ర్ ముందుకు వెళుతున్న కొద్దీ క‌థ‌లో చాలా లేయ‌ర్లు ఆసక్తిగా తెరపైకి వస్తాయి. ప్రేమకథలో మ్యాజిక్ ఉంది, తండ్రీకూతుళ్ల ఎమోషన్ ప్రతిఒక్కరినీ హత్తుకుంటుంది. దర్శకుడు శౌర్యువ్  పూర్తిస్థాయి ఫ్యామిలీ ఎంటర్‌టైనర్‌ ని అద్భుతంగా మలిచాడు. రెగ్యులర్ ఫ్యామిలీ ఎంటర్‌టైనర్‌లకు భిన్నంగా కథను చాలా కొత్త తరహాలో ప్రజెంట్ చేశాడు.

దసరాలో మాస్ క్యారెక్టర్ తర్వాత నాని పూర్తిగా ఫ్యామిలీ మ్యాన్ పాత్రలో కనిపించడం కొత్తగా వుంది. తండ్రిగా, ప్రేమికుడుగా వైవిధ్యమైన పాత్రలో అద్భుతంగా నటించారు నాని. తన బ్రిలియంట్ పెర్ఫార్మెన్స్ తో కట్టిపడేశారు. మృణాల్ ఠాకూర్ మనసుని ఆకట్టుకునే నటన కనబరిచింది. శృతి హాసన్ శ్రుతి హాసన్ ప్యాకేజీ. బేబీ కియారా ఖన్నా చాలా క్యూట్ గా మనసుల్ని దోచేసింది.

రొమాంటిక్ సీక్వెన్స్‌లు,  ఎమోషనల్ ఎపిసోడ్స్ , ప్రతి ఫ్రేం లో టాప్-నాచ్ కెమెరా యాంగిల్స్‌,  లైటింగ్‌ తో  సినిమాటోగ్రాఫర్ సాను వర్గీస్‌ ప్రేక్షకులని కట్టిపడేశారు. గోవా, కూనూర్ మొదలైన అద్భుతమైన  లొకేషన్‌లు చాలా బ్యూటీఫుల్ గా చిత్రీకరించారు. హేషామ్ అబ్దుల్ వహాబ్ బ్యాక్‌గ్రౌండ్ స్కోర్  క్లాస్‌తో పాటు ఎమోషనల్ కనెక్షన్‌ని అద్భుతంగా జోడిస్తుంది. వైర ఎంటర్‌టైన్‌మెంట్స్ నిర్మాణ విలువలు టాప్ క్లాస్ లో వున్నాయి. అవినాష్ కొల్లా ప్రొడక్షన్ డిజైన్ మరో ఆకర్షణ. మొత్తం మీద, హాయ్ నాన్న ట్రైలర్ ఎక్స్ ట్రార్డినరీ పెర్ఫార్మెన్సులు, కమర్షియల్ ఎలిమెంట్స్ మిక్స్‌తో అద్భుతమైన టెక్నికల్ వర్క్ తో ఎమోషనల్ రైడ్‌ను అందిస్తుంది. ‘హాయ్ నాన్న’ తప్పకుండా బాక్సాఫీస్ ని షేక్ చేస్తుంది.

ట్రైలర్ లాంచ్ ఈవెంట్ లో నేచురల్ స్టార్ నాని మాట్లాడుతూ.. ఇప్పటివరకూ నేను చేసిన సినిమాల్లో నన్ను నేను తెరపై చుసుకున్నపుడు ‘వీడెవడో బావున్నాడు’ అని అనిపించింది ‘హాయ్ నాన్న’ సినిమాకే(నవ్వుతూ). శౌర్యువ్ రాసుకున్న కథలో సాన్ జాన్ చూపించిన విజివల్స్ చాలా బావుంటాను. టీజర్ పాటలు ఇప్పుడు ట్రైలర్ చూశారు. కానీ మీరు ఇంకా చూడనిది, ఊహించనిది సినిమాలో బోలెడంత వుంది. మీరంతా సినిమాతో ప్రేమలో పడిపోవడం ఖాయం. సినిమా అనేది నాకు ఆక్సిజన్ తో సమానం. సినిమా అనేది నిజంగా నా ఊపిరి. ఆ ఊపిరి మీద ఒట్టేసి చెబుతున్నా… డిసెంబర్ 7కి మీరంతా ప్రేమలో పడిపోయే సినిమా వస్తుంది. ఆ భాద్యత నాది, మా టీం అందరిది. బాక్సాఫీసు బాధ్యత మీది. ప్రామిస్. అందరికీ పేరుపేరునా లవ్ యూ సో మచ్’’ అన్నారు.

రైటర్ కాశి మాట్లాడుతూ..  ఈ అవకాశం ఇచ్చిన దర్శక నిర్మాతలు కృతజ్ఞతలు. శౌర్యువ్ అద్భుతమైన కథ రాశారు. ఈ కథ విన్న తర్వాత స్పెల్ బౌండ్ అయిపోయాను. కొత్త రచయిత దర్శకులకు స్ఫూర్తిని ఇచ్చే హీరో నాని గారు. మంచి కథని ప్రోత్సహించే హీరో. ఆయనకు కథ నచ్చితే చాలు. మరో విషయం గురించి అలోచించరు. శౌర్యువ్ గారి ప్రతిభని డిసెంబర్ 7న చూస్తారు. ఈ చిత్రంలో పని చేసిన అందరికీ ధన్యవాదాలు. ఈ సినిమాని అందరూ థియేటర్ లో చూడాలి’’ అని కోరారు. ఈ వేడుకలో దర్శకుడు శౌర్యువ్, నిర్మాత మోహన్ చెరుకూరి, విజయేందర్ రెడ్డి చిత్ర యూనిట్ సభ్యులు పాల్గొన్నారు.

మోహన్ చెరుకూరి (CVM), డాక్టర్ విజయేందర్ రెడ్డి తీగల ఈ చిత్రాన్ని భారీ బడ్జెట్‌తో నిర్మించారు. ఎడిటర్‌గా ప్రవీణ్‌ ఆంథోని, ఎగ్జిక్యూటివ్‌ నిర్మాతగా సతీష్‌ ఈవీవీ వ్యవహరిస్తున్నారు.

హాయ్ నాన్న డిసెంబర్ 7న తెలుగు, తమిళం, కన్నడ, మలయాళం, హిందీ భాషల్లో విడుదల కానుంది.

తారాగణం: నాని, మృణాల్ ఠాకూర్, బేబీ కియారా ఖన్నా

సాంకేతిక విభాగం:
దర్శకత్వం: శౌర్యువ్
నిర్మాతలు: మోహన్ చెరుకూరి (CVM)  డాక్టర్ విజయేందర్ రెడ్డి తీగల
బ్యానర్: వైర ఎంటర్‌టైన్‌మెంట్స్
డీవోపీ: సాను జాన్ వరుగుస్ ISC
సంగీతం: హేషమ్ అబ్దుల్ వహాబ్
ప్రొడక్షన్ డిజైనర్: అవినాష్ కొల్లా
ఎడిటర్: ప్రవీణ్ ఆంటోని
ఎగ్జిక్యూటివ్ ప్రొడ్యూసర్ – సతీష్ ఈవీవీ
కాస్ట్యూమ్ డిజైనర్: శీతల్ శర్మ
పీఆర్వో: వంశీ-శేఖర్

LEAVE A REPLY

Please enter your comment!
Please enter your name here