రాయ్‌లక్ష్మీ ప్రధాన పాత్రలో రూపొందుతున్న లేడి ఓరియెంటెడ్‌ చిత్రం ‘జనతాబార్‌’

0
53
రమణ మొగిలి స్వీయ దర్శకత్వంలో రోచి శ్రీమూవీస్‌ పతాకంపై ఈ చిత్రం రూపొందుతుంది. ఈ నెల 5న కథానాయిక రాయ్‌ లక్ష్మీ పుట్టినరోజు సందర్భంగా చిత్రం టైటిల్‌ లోగోతో పాటు ఫస్ట్‌లుక్‌ను విడుదల చేసింది చిత్ర బృందం. ఈ సందర్భంగా దర్శక, నిర్మాత రమణ మొగిలి మాట్లాడుతూ ‘నాలుగు పాటల మినహా  షూటింగ్‌ను పూర్తిచేసుకుంది. ఈ నెల ఎనిమిది నుంచి రామోజీ ఫిల్మ్‌సిటీలో ఆ పాటలను చిత్రీకరిస్తాం. స్పోర్ట్స్‌ నేపథ్యంలో జరగుతున్న అన్యాయాలను, లైంగిక వేధింపులకు ఓ యువతి చేసిన పోరాటమే ఈ చిత్రం. అన్ని కమర్షియల్‌ హంగులతో రూపొందుతున్న ఈ చిత్రంలో సమాజానికి మంచి సందేశం కూడా వుంది. రాయ్‌లక్ష్మీ పాత్ర, ఆమె నటన చిత్రానికి హైలైట్‌గా వుంటుంది. అన్నారు.  శక్తికపూర్‌, ప్రదీప్‌రావత్‌, సురేష్‌, అనూప్‌సోని, అమన్‌*ప్రీత్‌, భూపాల్‌రాజ్‌, విజయ్‌భాస్కర్‌, దీక్షాపంత్‌ తదితరులు నటిస్తున్న ఈ చిత్రానికి సంగీతం: వినోద్‌ యజమాన్య, కెమెరా: చిట్టిబాబు, ఫైట్స్‌: డ్రాగన్‌ ప్రకాష్‌, మల్లేష్‌, అంజి, కథ-మాటలు-స్క్రీన్‌ప్లే: రాజేంద్రభరద్వాజ్‌, ఎగ్జిక్యూటివ్‌ నిర్మాతలు: అశ్వథ్‌ నారాయన, అజయ్‌గౌతమ్‌.

LEAVE A REPLY

Please enter your comment!
Please enter your name here