`గ‌తం` సినిమా చూసి ఆడియ‌న్స్ ఖచ్చితంగా థ్రిల్ ఫీలవుతారు – ద‌ర్శ‌కుడు కిర‌ణ్‌

0
118

అమెరికాలో సాఫ్ట్ వేర్ ఉద్యోగం చేస్తూ సినిమా మీద ప్యాష‌న్ తో త‌న‌కి దొరికిన 12 గంటల ఖాళీ స‌మయంతోనే దాదాపుగా రెండేళ్లు క‌ష్ట‌ప‌డి గ‌తం అనే సినిమాను తెర‌కెక్కించారు ద‌ర్శ‌కుడు కిర‌ణ్. ఆఫ్ బీట్ ఫిల్మ్స్, ఎస్. ఒరిజినల్స్ సంయుక్తంగా, మ్యాంగో మాస్ మీడియా సమర్పణలో రూపొందిన ఈ చిత్రం న‌వంబ‌ర్ 6న అమెజాన్ ప్రైమ్ వీడియోలో విడుద‌ల అవుతున్న సంద‌ర్భంగా ద‌ర్శ‌కుడు కిర‌ణ్ మీడియాతో ముచ్చ‌టించారు. ఆ విశేషాలు..

ఈ ప్రాజెక్ట్ ఎలా మొద‌లైంది?
– 2018లో ఈ సినిమా షూటింగ్ స్టార్ట్ చేశాం. 2019 అంతా చిత్రీకరణ జరిపాం. 2020 మార్చికి సినిమా అంతా రెడీ చేసి రిలీజ్ చేద్దాం అనుకునే టైమ్‌కి కరోనా రూపంలో బ్రేక్ పడింది. అయితే ఈ గ్యాప్‌లో చిన్న చిన్న మైనర్ వర్క్స్.. చేశాం. ఒకరకంగా మాకు కరోనా మంచే చేసిందని అనుకుంటున్నాం. ఎందుకంటే.. అమెజాన్ ద్వారా ఈ సినిమా దాదాపు 200కు పైగా దేశాలలో విడుదల అవుతుంది. మాములుగా థియేటర్స్‌లో విడుదల చేస్తే.. ఇంత రీచ్ ఉండేది కాదేమో..

అమెరికాలోనే చిత్రీకరణ చేయడానికి ప్ర‌త్యేక కారణాలేమైనా ఉన్నాయా?
– రెండు కారణాలు ఉన్నాయి. నేనిక్కడ సాఫ్ట్‌వేర్ ఉద్యోగిని. చాలా రెస్పాన్సిబిలిటీస్ ఉన్నాయ్. అలాగే సినిమా అంటే ప్యాషన్. రెండూ ఎలా మ్యానేజ్ చేయడం అని.. ఆలోచిస్తే.. ఇక్కడే సినిమా చేస్తే.. ఎలా ఉంటుందని ఆలోచించి ఈ సినిమా మొత్తం అమెరికాలోనే చేశాం. అందుకే ఇప్పటి వరకు ఎవరూ చూపించని లొకేషన్లు, కెమెరా, లైటింగ్.. ఇలా ఏదైనా సరే.. ఒక భారీ ప్రొడక్షన్ సినిమా చూస్తున్న ఫీలింగ్ కలగాలని చాలా కష్టపడ్డాం. 10 గంటలు ఆఫీస్ వర్క్ చేసుకుంటూనే.. మిగతా టైమ్‌ని ఫ్యామిలీ కోసం, ఇటు సినిమా కోసం కేటాయించడం మాములు విషయం కాదు. చాలా త్యాగాలు చేస్తాం.. కనబడదు కానీ.. అది సినిమా రూపంలో తెలుస్తుంది. ఈ సినిమా సెట్‌లో కూడా 6 లేదా 7గురు మాత్రమే ఉండేవాళ్లం. సినిమా చూస్తున్న ప్రతి ఒక్కరికీ ఆశ్చర్యం కలిగించేలా మా వర్క్, అవుట్‌పుట్ ఉంటుంది.

లేక్ టాహో నేపథ్యం గురించి ?
– కాలిఫోర్నియాలో లేక్ టాహో అనే ఒక ఏరియా ఉంటుంది. అక్కడ ఎప్పుడూ మంచు పడుతూ ఉంటుంది. మంచి చెరువు, ఆ చెరువు చుట్టూ కొండలు.. ఆ కొండల మీద మంచు. ఇంత అద్భుతమైన లోకేషన్ దొరకడం చాలా కష్టం. దీనిని మేము థ్రిల్లర్ కోసం వాడాం.

ట్రైలర్ కి, బ్యాక్ గ్రౌండ్ స్కోర్‌కి మంచి రెస్పాన్స్ వ‌స్తోంది క‌దా..సినిమా అంతా అటువంటి మ్యాజిక్ ఊహించవచ్చా?
– సినిమా అంతా అటువంటి షాట్స్ ఉన్నా బోర్ కొడతాయ్. ఇది యాక్షన్ థ్రిల్లర్ కాదు. యాక్షన్ ఉంటుంది కానీ.. యాక్షన్ కోసమే ఈ సినిమా చేయలేదు. అన్ని వర్గాల ప్రేక్షకులని అలరించేలా తెరకెక్కించాం. ఇందులో కెమెరా వర్క్ అంతా హాలీవుడ్ స్థాయిలో ఉంటుంది. ట్రైలర్ నచ్చిందని చాలా మంది ఫోన్ చేసి చెప్పారు. సినిమా కూడా అంతకుమించి ఉంటుందని ఖచ్చితంగా చెప్పగలను.

ఇటువంటి థ్రిల్లర్ సినిమాలు ఎంజాయ్ చేయాలంటే బిగ్ స్క్రీన్ చాలా బావుంటుంది. థియేటర్స్‌కి అనుమతులు వచ్చాయిగా? అటు వైపు ఆలోచించలేదా?
– మేము ముందు థియేటర్స్‌లోనే అని ఆలోచించాం. కానీ ఈ ఆరు నెలల్లో జనాలు థియేటర్స్ గురించి మాట్లాడుకోవడం మానేసి.. ఓటీటీల గురించి మాట్లాడుకుంటున్నారు. అప్పుడే మాకు అర్థమైంది.. ఓటీటీ అని. నా పర్సనల్‌గా అంటే ఒక ఫిల్మ్ మేకర్‌గా నేను థియేటర్‌లో సినిమా చూడడానికే ఇష్టపడతాను. డబ్బులు వస్తాయనే విషయం కాదు కానీ.. మా సినిమా ప్రపంచం మొత్తం చూడాలనే ఈ సినిమా తీశాం. ఇలా చూస్తే.. ఇంతకంటే పెద్ద ఫ్లాట్‌ఫామ్ దొరకదు.

‘గతం’ సినిమా గురించి ప్రేక్షకులకు ఏం చెప్పదలుచుకున్నారు?
– థ్రిల్లర్స్ అంటే ఇష్టపడేవారికి ఈ చిత్రం బాగా నచ్చుతుంది. వేరే భాషలలో ఉన్న సినిమాలను కూడా సబ్ టైటిల్స్ ఉంటే చాలు చూసేస్తున్నాం. ప్రపంచంలో ఉన్న అన్ని భాషలలోని సినిమాలు ఇప్పుడు తెలుగు ప్రేక్షకులకు దగ్గరవుతున్నాయి. ఓటీటీ వంటి ప్లాట్‌ఫామ్స్ ఉండటంతో అనేక జోనర్ల సినిమాలను చూస్తున్నాం. ఇటువంటి థ్రిల్లర్స్ మీద ప్రేక్షకులు బాగా ఇంట్రస్ట్ పెడతున్నారు. థ్రిల్లర్ జోనర్ సినిమాల గురించి చెప్పాలంటే ఎగ్జిక్యూషన్ అనేది చాలా కష్టం. చివరి వరకు సస్పెన్స్‌ని క్యారీ చేయలేకపోతే బోర్ కొట్టేస్తుంది. అటువంటి సస్పెన్స్ క్రియేట్ చేయలేకపోతే థ్రిల్లర్ సినిమాలు తీయడం కూడా వేస్ట్. ఇంటర్వెల్‌కే ట్విస్ట్ తెలిసిపోతే ప్రేక్షకులు ఇంక సినిమా చూడాల్సిన అవసరం లేదు. సో.. ఇటువంటి వన్నీ దృష్టిలో పెట్టుకునే ఈ చిత్రం చేయడం జరిగింది. ప్రేక్షకులు ఖచ్చితంగా ఈ సినిమా చూసి థ్రిల్ ఫీలవుతారు. అది మాత్రం హండ్రెడ్ పర్సంట్ చెప్పగలను.

LEAVE A REPLY

Please enter your comment!
Please enter your name here