యంగ్ ఎనర్జిటిక్ స్టార్ రామ్ హీరోగా నటించిన పలు సినిమాలు ఇప్పటికే హిందీ లో డబ్ కాబడి యూట్యూబ్ లో మంచి రికార్డ్స్ సాధిస్తున్న విషయం తెలిసిందే. ఇకపోతే ఇటీవల డ్యాషింగ్ డైరెక్టర్ పూరి జగన్నాథ్ దర్శకత్వంలో రామ్ హీరోగా నటించిన ‘ఇస్మార్ట్ శంకర్’ మూవీ లోని టైటిల్ సాంగ్ వీడియో నేడు ఏకంగా 100 మిలియన్ల వ్యూస్ మైలు రాయిని అందుకుని యూట్యూబ్ లో సరికొత్త రికార్డు ని సొతం చేసుకుంది.
మెలోడీ బ్రహ్మ మణిశర్మ అందించిన పవర్ఫుల్ మాస్ ట్యూన్ కి రామ్ ఎనర్జిటిక్ డాన్స్ తోడవడంతో ఈ సాంగ్ మంచి సెన్సేషన్ తో దూసుకెళుతోంది. కాగా దీనితో హీరో రామ్ ఖాతాలో మరొక రికార్డు చేరిందని చెప్పాలి. ప్రస్తుతం కిశోర్ తిరుమల దర్శకత్వంలో ‘రెడ్’ మూవీలో రామ్ హీరోగా నటిస్తున్న విషయం తెలిసిందే…..!!