యూత్ ఫుల్ స్టార్ ఆది సాయికుమార్ హీరోగా, ఇటీవల తొలి సినిమా జెర్సీ ఫేమ్ శ్రద్ధ శ్రీనాథ్ హీరోయిన్ గా నటిస్తున్న లేటెస్ట్ రొమాంటిక్ లవ్ స్టోరీ ‘జోడి’. ‘ఏ న్యూ ఏజ్ ఫ్యామిలీ డ్రామా’ అనే క్యాప్షన్ తో రాబోతున్న ఈ సినిమాకు గతంలో వాన, మస్కా, సినిమా చూపిస్త మామ చిత్రాలకు అసోసియేట్ డైరెక్టర్ గా పనిచేసిన విశ్వనాథ్ అరిగెల ఈ చిత్రంతో దర్శకుడుగా పరిచయం అవుతున్నాడు. ఈ చిత్ర షూటింగ్ పూర్తయింది. సెప్టెంబర్ 6న సినిమాను గ్రాండ్ గా విడుదల చేయబోతున్నారు. ఇక ఈ మధ్య విడుదల చేసిన టీజర్ కు అద్భుతమైన స్పందన వచ్చింది. టీజర్ ఆసాంతం చాలా ఆహ్లాదంగా ఉన్నట్టుగా ప్రశంసలు వచ్చాయి.
ఆది సాయికుమార్ ఇమేజ్ కు తగ్గట్టుగా ఉంటూనే యూత్ ఫుల్ ఫ్యామిలీ ఎంటర్టైనర్ గా రాబోతోంది ఈ జోడి. ముఖ్యంగా ప్రధాన జోడి మధ్య ఉండే ప్రేమకథ ఈ చిత్రానికి హైలెట్ గా నిలవబోతోంది. అందుకు తగ్గట్టుగానే ఆదిసాయికుమార్, శ్రద్ధా శ్రీనాథ్ ల మధ్య అద్భుతమైన కెమిస్ట్రీ కుదిరింది. ఎంటర్టైనింగ్ గా సాగుతూ యూత్ ని అలరించే మంచి రొమాంటిక్ లవ్ స్టోరీ తో పాటు, ఫ్యామిలి ఆడియన్స్ ని ఆకట్టుకునే ఎమోషనల్ అంశాల మిళితంగా రూపొందుతున్న ఈ సినిమా ప్రస్తుతం పోస్ట్ ప్రొడక్షన్ వర్క్స్ జరుపుకుంతోంది. ఇంకా ఈ సినిమాలో సీనియర్ నటులు నరేష్, సత్య, వెన్నెల కిశోర్, సిజ్జు, స్వప్నిక, సితార, మాధవి, గొల్లపూడి మారుతిరావు, వర్షిణి సౌందరరాజన్, ప్రదీప్ తదితరులు ఇతర పాత్రల్లో నటిస్తున్నారు….!!
