టాలీవుడ్ స్టైలిష్ స్టార్ అల్లు అర్జున్ హీరోగా మాటల మాంత్రికుడు త్రివిక్రమ్ దర్శకత్వంలో ప్రస్తుతం ఒక సినిమా తెరకెక్కుతున్న విషయం తెలిసిందే. ఇటీవల మహర్షితో భారీ సక్సెస్ ని తన ఖాతాలో వేసుకున్న భామ పూజ హెగ్డే హీరోయిన్ గా నటిస్తున్న ఈ సినిమాకు యువ సంగీత తరణంగం ఎస్ఎస్ థమన్ స్వరాలు సమకూరుస్తున్నారు. గీత ఆర్ట్స్, హారిక హాసిని క్రియేషన్స్ వంటి అగ్ర నిర్మాణ సంస్థలు సంయుక్తంగా ఎంతో ప్రతిష్టాత్మకంగా రూపొందిస్తున్న ఈ సినిమాను వచ్చే సంక్రాంతి కానుకగా విడుదల చేయనున్నారు.
ఇక ఈ సినిమా డబ్బింగ్ కార్యక్రమాలు నేటి నుండి మొదలైనట్టు సినిమా యూనిట్ కాసేపటి క్రితం ఒక ప్రకటన విడుదల చేయడం జరిగింది. అలరించే కమర్షియల్ ఎంటర్టైనర్ గా, బన్నీతో చేసిన గత రెండు సినిమాలను మించేలా త్రివిక్రమ్ ఈ సినిమాను తెరకెక్కిస్తున్నట్లు సమాచారం. బన్నీ ఫ్యాన్స్ ఆశించే అన్ని అంశాలతో పాటు ఈసారి త్రివిక్రమ్ మార్క్ పంచ్ డైలాగ్స్ మరింతగా పేలనున్నాయని అంటున్నారు. ప్రముఖ ఛాయాగ్రాహకులు పి ఎస్ వినోద్ ఫోటోగ్రఫీని అందిస్తున్న ఈ సినిమాలో నివేత పేతురాజ్, సుశాంత్, టబు, నవదీప్, రాజేంద్ర ప్రసాద్, రాహుల్ రామకృష్ణ, సునీల్, బ్రహ్మాజీ తదితరులు ఇతర పాత్రల్లో నటిస్తున్నారు…..!!
