కరోనా, లాక్ డౌన్ నేపథ్యంలో విధి నిర్వహణలో ఉంటున్న హైదరాబాద్ పోలీసులకు ఫేస్ ప్రొటెక్షన్ షీల్డ్ లను అందజేసింది డాక్టర్స్ అసోసియేషన్. ముఖ్య అతిథిగా హాజరై ఫేస్ ప్రొటెక్షన్ షీల్డ్స్ ను ఆవిష్కరించారు హీరో విజయ్ దేవరకొండ.
ఈ సందర్భంగా విజయ్ మాట్లాడుతూ: “మనస్పూర్తిగా తెలంగాణ పోలీస్ ను అభినందిస్తున్నాను.24 గంటలు పోలీసులు మనకోసం పని చేస్తున్నారు. నేను బయటికి వచ్చి 20 రోజులు అయింది.లాక్ డౌన్ ఇంత విజయవంతం అవుతుంది అంటే, అది పోలీస్ , మన ప్రభుత్వం తోనే సాధ్యం అయ్యింది.ప్రజలు అందరూ ఇళ్లల్లోనే ఉండండి.టైమ్ పాస్ కోసం రోడ్ల మీదకు వచ్చి లాక్ డౌన్ బ్రేక్ చేయవద్దు.త్వరలోనే ఈ పరిస్థితి నుండి బయటపడతాం అనే నమ్మకం ఉంది.తెలంగాణ డాక్టర్స్ ఫెడరేషన్ వారు పోలీస్ లకు ప్రొటెక్షన్ కిట్లు ఇస్తున్నందుకు సంతోషంగా ఉంది.
