గీతా ఆర్ట్స్ 2 & యూవీ క్రియేషన్స్‌ సంస్థ ద్వారా జనవరి లో విడుదల కానున్న ”పలాస 1978”

0
2142
పలాస 1978 చిత్రాన్ని గీతా ఆర్ట్స్, యువి ప్రొడక్షన్స్

మంచి కథ, కథనాలున్న సినిమాలను ప్రోత్సహించి, విడుదల చేయడానికి పెద్ద ప్రొడక్షన్ కంపెనీలు ముందుకొస్తున్నాయి. ఇప్పుడు ఆ వరుసలో పలాస 1978 చిత్రాన్ని గీతా ఆర్ట్స్, యువి ప్రొడక్షన్స్  తమ చేతుల్లోకి తీసుకున్నాయి.

శ్రీకాకుళం జిల్లా పలాస లో జరిగిన యదార్థ సంఘటనలు, కొన్ని యదార్థ పాత్రల ఆధారంగా కల్పిత కథతో రూపొందిన పలాస 1978 చిత్రాన్ని గీతా ఆర్ట్స్, యువి ప్రొడక్షన్స్ GA2-UV సంస్థ ద్వారా విడుదల చేస్తున్నామని సంస్థ తరపున బన్నీ వాసు తెలిపారు.

పలాస చిత్రం అల్లు అరవింద్, బన్నీ వాసు, వంశీ లకు బాగా నచ్చింది. కరుణకుమార్ దర్శకత్వంలో ధ్యాన్ అట్లూరి నిర్మించిన ఈ చిత్రాన్ని తమ్మారెడ్డి భరద్వాజ్ సమర్పిస్తున్నారు. ఈ సినిమాను గ్రాండ్ రిలీజ్ చేయాలని, మంచి సినిమాలను అందరికీ చేరవెయ్యాలని అల్లు అరవింద్ భావించడంతో జనవరి చివరి వారంలో రిలీజ్ కు సన్నాహాలు జరుగుతున్నాయి.

రక్షిత్, నక్షత్ర జటగా నటించగా.. కోటగిరి వెంకటేశ్వరరావు ఎడిటింగ్, విన్సెంట్ ఫొటోగ్రఫీ, రఘు కుంచె సంగీతం అందించారు. ఇప్పటికే సుకుమార్, మారుతి, పూరీ జగన్నాథ్ వంటి ప్రముఖ డైరక్టర్లు ఈ సినిమాపై ప్రశంసలు కురిపించడం, గీతా ఆర్ట్స్, యువి వంటి పెద్ద సంస్థలు రిలీజ్ చేస్తుండటం, పలాస 1978 సినిమాపై భారీ అంచనాలు పెంచుతున్నాయి

రక్షిత్, నక్షత్ర హీరోహీరోయిన్లుగా నటించిన ఈ మూవీలో రఘు కుంచె, తిరువీర్, జనార్థన్, లక్ష్మణ్, శృతి, జగదీష్ ఇతర పాత్రల్లో నటిస్తున్నారు.

తమ్మారెడ్డి భరద్వాజ సమర్పిస్తోన్న ఈ చిత్రానికి పాటలు : భాస్కర భట్ల, సుద్దాల అశోక్ తేజ, లక్ష్మీ భూపాల, ఎడిటర్ : కోటగిరి వెంకటేశ్వరరావు, సినిమాటోగ్రఫీ : అరుల్ విన్సెంట్, సంగీతం : రఘు కుంచె,
నిర్మాత : ధ్యాన్ అట్లూరి.
రచన- దర్శకత్వం : కరుణ కుమార్.

LEAVE A REPLY

Please enter your comment!
Please enter your name here