నవీన్ పోలిశెట్టి, రాహుల్ రామకృష్ణ, ప్రియ‌ద‌ర్శి టైటిల్ రోల్స్ పోషిస్తున్న చిత్రం ‘జాతిర‌త్నాలు’. కామెడీ క్యాప‌ర్‌గా రూపొందుతోన్న ఈ చిత్రానికి అనుదీప్ కె.వి. ద‌ర్శ‌కుడు. స్వప్న సినిమా బ్యాన‌ర్‌పై నాగ్ అశ్విన్ నిర్మిస్తున్నారు. ఫ‌రియా అబ్దుల్లా హీరోయిన్‌గా న‌టిస్తున్నారు.
గురువారం సాయంత్రం ఈ సినిమా టీజ‌ర్‌ను చిత్ర బృందం రిలీజ్ చేసింది. థియేట‌ర్ల‌లో ఈ సినిమా న‌వ్వులు పూయిస్తుంద‌ని టీజ‌ర్ తెలియ‌జేస్తోంది. ముగ్గురు ప్ర‌ధాన పాత్ర‌ధారులు నవీన్, రాహుల్ రామకృష్ణ, ప్రియ‌ద‌ర్శి జైలులో ఖైదీలుగా న‌డ‌చుకుంటూ రావ‌డంతో టీజ‌ర్ మొద‌ల‌వుతుంది. ఆ న‌డ‌వ‌డంలో స్టైల్ ఉండ‌టం న‌వ్వు తెప్పించే విష‌యం. సెల్‌లో నుంచి ప్రియ‌ద‌ర్శి త‌న‌వైపు ముగ్గురు ఉన్నార‌ని.. వారు త‌మ‌న్నా, స‌మంత అని చెప్పి, మూడో పేరు కోసం త‌డుముకుంటుంటే ర‌ష్మిక అని అందిస్తాడు నవీన్.
వినోదం మాత్ర‌మే కాకుండా ఈ మూవీలో సీరియ‌స్ విష‌యం కూడా ఒక‌టి ఉంద‌ని ముర‌ళీ శ‌ర్మ ఎపిసోడ్ తెలుపుతోంది. రూ. 500 కోట్ల చుట్టూ ఈ సినిమా క‌థ న‌డుస్తుంద‌ని అర్థ‌మ‌వుతుంది. న‌వీన్‌కు ఓ ల‌వ్ స్టోరీ కూడా ఉంద‌నే సంగీతి ఈ టీజ‌ర్‌లో చూడొచ్చు.
రధన్ బ్యాగ్రౌండ్ మ్యూజిక్, సిద్దం మనోహర్ సినిమాటోగ్ర‌ఫీ ఇంప్రెసివ్‌గా ఉన్నాయి.
మార్చి 11న ‘జాతిర‌త్నాలు’ థియేట‌ర్ల‌లో విడుద‌ల‌కు రెడీ అవుతోంది.
తారాగ‌ణం:
నవీన్ పోలిశెట్టి, రాహుల్ రామకృష్ణ, ప్రియ‌ద‌ర్శి, ఫ‌రియా అబ్దుల్లా, ముర‌ళీ శ‌ర్మ, న‌రేష్ వి.కె., బ్ర‌హ్మాజీ, త‌నికెళ్ల భ‌ర‌ణి, వెన్నెల కిశోర్‌.
సాంకేతిక బృందం:
ర‌చ‌న-ద‌ర్శ‌క‌త్వం: అనుదీప్ కె.వి.
నిర్మాత: నాగ్ అశ్విన్
బ్యాన‌ర్‌: స్వప్న సినిమా
మ్యూజిక్: రధన్
సినిమాటోగ్ర‌ఫీ: సిద్దం మనోహర్
ఎడిటింగ్‌: అభిన‌వ్ రెడ్డి దండా
