మాయోన్ సినిమా రివ్యూ

0
168

చిత్రం : మాయోన్

విడుదల తేదీ: 07-07-2022

నటీనటులు: శిబి సత్యరాజ్, తాన్య రవిచంద్రన్, రాధా రవి, కె.ఎస్. రవికుమార్, ఎస్.ఎ. చంద్రశేఖర్, భగవతి పెరుమాళ్, హరీష్ పెరడి తదితరులు

సినిమాటోగ్రఫీ: రామ్ ప్రసాద్

సంగీతం: ఇళయరాజా

నిర్మాతలు: మామిడాల శ్రీనివాస్,అరుణ్ మోజి మాణిక్కం

దర్శకత్వం: ఎన్. కిషోర్

“కట్టప్ప” సత్యరాజ్ కుమారుడు శిబిరాజ్ హీరోగా యువ దర్శకుడు కిషోర్ దర్శకత్వంలో రూపొందిన ప్రతిష్ఠాత్మక చిత్రం “మాయోన్”. తాన్య రవిచంద్రన్ హీరోయిన్. రాధా రవి, KS రవికుమార్, SA చంద్రశేఖర్, భగవతి పెరుమాళ్ (బక్స్), హరీష్ పెరడి, అరాష్ షా తదితరులు ఇతర పాత్రధారులు.
ఈ చిత్ర హక్కులను మూవీమ్యాక్స్ అధినేత ప్రముఖ నిర్మాత మామిడాల శ్రీనివాస్ సొంతం చేసుకున్నారు. “మాయోన్” చిత్రాన్ని తెలుగు రాష్ట్రాలలో జూలై 7న విడుదల చేసారు. మైథలాజికల్ మిస్ట్రీ థ్రిల్లర్ గా…. తెరకెక్కిన ఈ చిత్రం ఆడియన్స్ ని ఏమాత్రం ఆకట్టుకుందో చూద్దాం పదండి.

కథ: ‘అర్జున్’ (శిబి రాజ్) ఆర్కియాలజిస్ట్. తన సీనియర్ అధికారి దేవరాజ్ హరీష్ పేరడీ)తో చేతులు కలిపి పురాతన వస్తువులను, విగ్రహాలను విదేశాలకి అమ్మి సొమ్ము చేసుకుంటూ ఉంటారు. ఈక్రమంలో విజయానందపురంలో అర్జున రాయలు కాలంలో పునర్నిర్మించబడిన శ్రీ కృష్ణుని ఆలయంలో నిధిని దొంగలించి… విదేశాలకు అమ్మేయాలనుకుంటారు. అదే సమయంలో ఆర్కియాలజి డిపార్ట్ మెంట్ లో పనిచేసే సీనియర్ అధికారి వాసుదేవ్ (KS రవికుమార్)… అతని టీమ్ లో పనిచేస్తున్న అంజన (హీరోయిన్ తాన్య రవిచంద్రన్) ఎపిగ్రాఫిస్ట్ గా… మరో ఇద్దరు కలసి అదే ఆలయంలో నిధి కోసం వెతకడం మొదలు పెడతారు. మరి ఆ నిధి దొరికిందా? అర్జున్, దేవారాజ్ కలసి ఆ నిధిని ఏమి చేసారు? అసలు అర్జున్ ఎవరు? వీరిద్దికీ మెయిన్ విలన్ సామ్స్ ఫెరారీ కి మధ్య ఉన్న సంబంధం ఏమిటి తదితర వివరాలు తెలియాలంటే సినిమా చూడాల్సిందే.

నటీనటుల పనితీరు:

సిబిరాజ్ తన పాత్రలో ఒదిగిపోయి చాలా బాగా నటించాడు. యాక్షన్ సీన్స్ బాగా చేసాడు. హీరోయిన్ తాన్య అందంగా ఉండడంతో పాటూ ప్రాధాన్యం వున్న పాత్రలో నటించి మెప్పించింది. గ్రామ పెద్దగా రాధ రవి పర్వాలేదు అనిపించాడు. దేవరాజ్ పాత్రలో హరీష్ పేరడీ మెప్పించాడు.  నెగిటివ్ షేడ్స్ లో అందరి మన్ననలు అందుకున్నారు. దర్శకుడు KS రవికుమార్ కూడా ప్రాధాన్యం వున్న రోల్ చేసారు.

కథ… కథనం విశ్లేషణ:

పురాతన దేవాలయాలు, వాటిలో వున్న నిధి, నిక్షేపాల కోసం ఇప్పటికే చాలా కథలు వచ్చాయి. కానీ మాయోన్ కథ… కథనాలు వైవిధ్యంగా తెరకెక్కాయి. దర్శకుడు కిశోర్ ఇంటరెస్టింగ్ పాయింట్ ను  కథగా ఎంచుకొని ప్రేక్షకుల్లో ఓ పాజిటివ్ బజ్ ను క్రియేట్ చేసారు. సినిమా ప్రారంభం అయింది మొదలు… హీరో ఇజాన్ని ఇక్కడా ఎలివేట్ చేయకుండా… కథానుగుణంగా స్క్రీన్ ప్లే రాసుకుని సినిమాను ముందుకు నడిపించాడు. ఫస్ట్ హాఫ్ లో కథను డిటైల్ గా చెప్పడానికి కాస్త సమయం తీసుకున్నా… సెకెండ్ హాఫ్ లో కథనాన్ని త్రిల్లింగ్ ఎలిమెంట్స్ తో పకడ్బందీ స్క్రీన్ ప్లే తో ఆడియన్స్ ఎంగేజ్ అయ్యేలా చేసి సక్సెస్ అయ్యారు. టీం పడిన కష్టం కనపడుతుంది. మంచి టీం వర్క్ తో క్వాలిటీ అవుట్ ఫుట్ ఇచ్చారు మైతలాజికల్ సస్పెన్స్ థ్రిల్లర్ మూవీస్ ని ఇష్టపడే ఆడియన్స్ ఈ మూవీని బాగా ఎంజాయ్ చేస్తారు.

సాంకేతికనిపుణుల పనితీరు:

ఇళయరాజా సంగీతం ప్రధాన ఆకర్షణగా నిలుస్తుంది. ముఖ్యంగా బ్యాక్ గ్రౌండ్ బాగుంది. శ్లోకం ఆధ్యాత్మికంగా ఆకట్టుకుంటుంది. సినిమాటోగ్రఫీ చాలా బాగుంది. దేవాలయం విజువల్స్ రిచ్ గా ఉన్నాయి. గ్రాఫిక్స్ ఉన్నతంగా, క్వాలిటీ గా వున్నాయి.  ఎడిటింగ్ ఇంకాస్త క్రిస్పీగా వుంటే బాగుండేది.

మాయోన్ లాంటి విభిన్న చిత్రాన్ని భారీ స్థాయిలో డబుల్ మీనింగ్ ప్రొడక్షన్స్ బ్యానర్ పై నిర్మించిన అరుణ్, ఈ చిత్రాన్ని తెలుగులో 227 థియేటర్లలో భారీ ఎత్తున మూవీ మాక్స్ బ్యానర్ పై విడుదల చేసిన మామిడాల శ్రీనివాస్ ను అభినందించాలి.

సస్పెన్స్ థ్రిల్లర్ మూవీస్ ని ఇష్టపడే వారికి కచ్చితంగా నచ్చుతుంది. గో అండ్ వాచ్ ఇట్…!!

చివరగా: అలరించే మైథలాజికల్ మిస్ట్రీ థ్రిల్లర్

రేటింగ్: 3.25/5

LEAVE A REPLY

Please enter your comment!
Please enter your name here