‘డిస్కో రాజా’ చిత్రంలో నా పాత్ర‌కు మంచి రెస్పాన్స్ రావ‌డం హ్యాపీగా ఉంది – హీరోయిన్ పాయల్ రాజ్ పూత్.

0
739

‘ఆర్.ఎక్స్ 100’ చిత్రంతో హీరోయిన్ గా తెలుగు తెరకు పరిచయం అయ్యి మొదటి సినిమాతోనే సూపర్ హిట్ ను అందుకుంది పంజాబీ భామ ‘పాయల్ రాజపుత్’. ఇటీవల విడుదలైన ‘వెంకీ మామ’ చిత్రంలో తన అందం, అభినయంతో ప్రేక్షకులను మరోసారి ఆకట్టుకుంది. లేటెస్ట్‌గా మాస్‌ మహారాజ రవితేజ, నభా నటేష్‌, పాయల్‌ రాజ్‌పుత్‌ హీరోహీరోయిన్లుగా దర్శకుడు విఐ ఆనంద్‌ తెరకెక్కించిన చిత్రం ‘డిస్కో రాజా’. ఎస్‌ఆర్‌టి ఎంటర్‌టైన్మెంట్స్‌ బ్యానర్‌ పై రామ్‌ తాళ్లూరి ఈ చిత్రాన్ని నిర్మించారు. ఈనెల 24న విడుదలై పాజిటివ్ టాక్ సొంతం చేసుకుంది. ఈ సందర్భంగా హీరోయిన్ పాయల్ రాజ్ పూత్ మీడియా తో ముచ్చటించింది. ఆ విశేషాలు..

*ఈ సినిమాలో నేను మొదటి సారిగా హెలెన్ అనే మూగ మరియు చెవిటి అమ్మాయి క్యారెక్టర్ చేశాను. మూవీ లో నా పాత్ర నిడివి కాస్త తక్కువే..అయినప్పటికీ ఒక ముఖ్యమైన పాత్ర కావడంతో ఒప్పుకున్నాను. ఆ పాత్ర చేస్తున్నప్పుడు ఛాలెంజింగ్ గా ఫీలై చేశాను. కథాబలమున్న మంచి సినిమాతో కొత్త ఏడాది ఆరంభమవ్వడం ఆనందంగా ఉంది. సినిమాలో నా పాత్ర నిడివి తక్కువైనా వైవిధ్యమైన నటనను కనబరిచానని అందరూ ప్రశంసిస్తున్నారు.

*మాటలతో కాకుండా సైగల ద్వారా మన భావాల్ని ఎదుటివారికి వ్యక్తం పరచడం అంత‌ ఈజీ కాదు. చాలెంజింగ్ గా భావించి సైన్ లాంగ్వేజ్ లో తగిన శిక్షణ తీసుకొని ఈ పాత్రలో నటించాను. హావభావాల విషయంలో తప్పులు దొర్లకుండా ప్రత్యేకంగా ట్యూటర్ ని పెట్టి నా పాత్రకు సంబంధించిన సన్నివేశాల్ని తెరకెక్కించారు దర్శకుడు,

* సినిమా షూటింగ్ లో ఉండగా దర్శకుడు వి.ఐ. ఆనంద్ నన్ను కలిసి ఈ కథ వినిపించారు. కథ చెప్తున్నప్పుడే తర్వాత ఏం జరుగబోతుందోనని ప్రతిక్షణం ఎగ్జైటింగ్ గా ఫీలయ్యాను. అలాగే నా కెరీర్ లో ఒక డిఫరెంట్ క్యారెక్టర్అవుతుందనే నమ్మకంతో నిడివి గురించి ఆలోచించకుండా అంగీకరించాను.

* ఈ సినిమాతో రవితేజ గారు నాకు టీచర్ గా మారిపోయారు. ఓకే గైడ్ గా, స్నేహితుడిగా నా కెరీర్ కి సంబంధించిన ఎన్నో విలువైన సూచనలిచ్చారు. కథ పరంగా ఈ సినిమాలో రెట్రో లుక్ లో కనిపించాల్సి ఉంటుంది. దాని కోసం మా అమ్మగారి సలహాలు తీసుకున్నాను. 1980 కాలంనాటి హెయిర్ స్టైల్, వస్త్రధారణ, భావవ్యక్తీకరణ ఎలా ఉంటుందో అమ్మ ద్వారా తెలుసుకొని నటించాను. ఆ లుక్ లో నన్ను చూసి మా అమ్మ చాలా అందంగా కనిపిస్తున్నావు అలాగే చక్కగా నటించావు అని మెచ్చుకుంది.

*పరదీప్ దర్శకత్వంలో ఒక విమెన్ సెంట్రిక్ ఫిలిం చేస్తున్నాను. ఆ సినిమాలో నేను ఐ పి ఎస్ ఆఫీసర్ గా కనిపించబోతున్నాను. షూటింగ్ పూర్తయింది. అలాగే ఉదయనిధి స్టాలిన్ సినిమాతో ఈ ఏడాది తమిళంలో అరంగేట్రం చేయబోతున్నాను. అలాగే ఒక కన్నడ సినిమాకు సంబంధించిన చర్చలు జరుగుతున్నాయి. తెలుగులో కొన్ని స్క్రిప్ట్స్ విన్నాను ఇంకా ఫైనల్ కాలేదు ఆ వివరాలు త్వరలోనే వెల్లడిస్తాను అంటూ ఇంటర్వ్యూ ముగించారు పాయల్ రాజపూత్.

LEAVE A REPLY

Please enter your comment!
Please enter your name here