యంగ్ హీరో నిఖిల్ లావణ్య త్రిపాఠి హీరో హీరోయిన్లుగా ప్ర‌ముఖ నిర్మాత ఠాగూర్ మ‌ధు స‌మ‌ర్ప‌ణ‌లో మూవీ డైన‌మిక్స్ ఎల్ఎల్ పి బ్యాన‌ర్‌పై రాజ్‌కుమార్ ఆకెళ్ల నిర్మాత‌గా టి.సంతోష్ ద‌ర్శ‌క‌త్వంలో రూపొందిన యాక్ష‌న్ థ్రిల్ల‌ర్ `అర్జున్ సురవరం`. ప‌వ‌ర్ ఫుల్ కంటెంట్‌తో రూపొందిన ఈ చిత్రాన్ని న‌వంబ‌ర్ 29న గ్రాండ్ గా విడుద‌ల చేస్తున్నారు. ఈ సందర్భంగా హీరోయిన్ లావణ్య త్రిపాఠి ఇంటర్వ్యూ..
ఈ మ‌ద్య కాలంలో తెలుగులో కొంచెం గ్యాప్ ఎక్కువ తీసుకున్నట్టుకున్నారు?
– అవునండీ! కొంచెం గ్యాప్ వచ్చిన మాట నిజమే. నేను మంచి స్క్రిప్ట్ కోసం ఎదురు చూడడమే దానికి కారణం. ఈ క్ర‌మంలో కొన్ని స్క్రిప్ట్ రిజెక్ట్ చేయడం జరిగింది. ప్రాధాన్యం ఉండి, న‌ట‌న‌కు స్కోప్ ఉన్న పాత్రలే చేయాలని నిర్ణయించుకున్నాను. ఎవరో ఎదో అనుకుంటారని, అవకాశాలు లేవని సినిమాలు ఒప్పుకోను. నేను నాలానే ఉండటానికి ఇష్టపడతాను.
ఈ మూవీలో నటించడానికి రీజ‌న్ ఏంటి?
– తమిళ రీమేక్ కావడం వలన ఈ మూవీని కూడా ఫస్ట్ నేను వ‌ద్దు అనుకున్నాను. కానీ పూర్తీ కథ విన్న తరువాత నా పాత్రకు మంచి ప్రాధాన్యం ఉందని తెలిసి ఒప్పుకోవడం జరిగింది. తమిళ స్క్రిప్ట్ లో కొన్ని చేంజెస్ చేసి నా పాత్రకు అదనపు సన్నివేశాలు జోడించారు.
అర్జున్ సురవరం మూవీ ఎలా ఉండ‌బోతుంది?
– నేటి కాలనికి సంబందించిన సోషల్ బర్నింగ్ ఇష్యూ పై ఈ సినిమా తెరకెక్కింది. కొందరు చేసే మోసం వలన బాగా చదువుకొని, తెలివి అర్హత ఉండి ఉద్యోగం లేకుండా ఖాళీగా తిరుగుతున్నారు. కొందరు ఎటువంటి అర్హతలు లేకపోయినా ఆ ఉద్యోగం చేస్తూ హాయిగా గడుపుతున్నారు. ఈ పాయింట్ ఆధారంగా ట్విస్ట్స్ అండ్ టర్న్స్ తో మూవీ ఆసక్తికరంగా ఉంటుంది.
మీ క్యారెక్ట‌ర్ ఎలా ఉంటుంది?
– నేను ఈ చిత్రంలో ఒక జర్నలిస్ట్. హెడ్ స్ట్రాంగ్ కలిగి ఇండిపెండెంట్ లక్షణాలున్న అమ్మాయిగా నా పాత్ర ఉంటుంది. అలాగే ఈ చిత్రం కోసం కొన్ని ప్రమాదకరమైన స్టంట్ట్స్ కూడా చేశాను. ఓ సన్నివేశంలో నేను ఉన్న కారు రన్నింగ్ లో ఉండగా రెండు ప్రక్కల నుండి రెండు కార్లు వచ్చి ఢీ కొట్టేప్రమాదకర సన్నివేశాలలో న‌టించాను.
హీరో నిఖిల్ తో స్క్రీన్ షేర్ చేసుకొవ‌డం…
-నిఖిల్ చాలా ఫ్రెండ్లీ మరియు హార్డ్ వర్కింగ్ నేచర్. ఈ మూవీలో అతని పర్ఫార్మెన్స్ ఖచ్చితంగా అందరికి నచ్చుతుంది. ఆయనతో వర్క్ చేయడం చాలా బాగా అనిపించింది.
రిలీజ్ కొంచెం లేట్ అయ్యింది క‌దా! ఎలా అన్పిస్తోంది?
– అవును అది నిజంగా బాధాకరమైన విషయం. నేను కూడా ఈ మూవీ ఎప్పుడు వస్తుందా అని ఎదురుచూశాను. మూవీ ట్రైలర్ విడుదలైయ్యాక చిత్రంపై నమ్మకం వచ్చింది. మూవీ ఖచ్చితంగా విజయం సాధిస్తుంది.
ఫ్రీ టైంలో ఏం చేస్తుంటారు?
– ట్రావెలింగ్ఈ అంటే నాకు చాలా ఇష్టం. అందుకే ఖాళీగా ఉన్నప్పుడు ఎక్కడికైనా ట్రిప్ కి వెళుతుంటాను. ఈ మధ్యనే పుష్కర్ వెళ్ళాను. ఈ మ‌ద్యే కొన్ని డ్యాన్స్ ఫామ్‌లు ట్రై చేస్తున్నా…
మీ నెక్ట్స్ ప్రాజెక్ట్స్‌?
– నెక్స్ట్ చేయ‌బోయే మూవీలో నేను హాకీ ప్లేయర్ క‌న్పిస్తాను. ఆపాత్రకోసం హాకీ లో ట్రైనింగ్ తీసుకుంటున్నాను. అలాగే బైక్ రైడింగ్ వంటివి కూడా నేర్చుకుంటున్నాను. ఆ మూవీ డిసెంబ‌ర్‌లో సెట్స్ పైకి వెళ్లనుంది.. ఇంకా రెండు మూడు క‌థ‌లు విన్నాను. త్వ‌ర‌లోనే ఫైన‌లైజ్ చేస్తాను. అంటూ ఇంటర్వ్యూ ముగించింది హీరోయిన్ లావణ్య త్రిపాఠి.
