వెటరన్ నిర్మాత ఏడిద నాగేశ్వరరావు స్థాపించిన పూర్ణోదయ, ఇప్పుడు శ్రీజ ఎంటర్టైన్మెంట్స్తో తిరిగి నిర్మాణంలోకి వచ్చింది. మిత్రవింద మూవీస్ తో కలిసి ఏడిద నాగేశ్వరరావు మనవరాలు శ్రీజ “ఫస్ట్ డే ఫస్ట్ షో” చిత్రాన్ని నిర్మిస్తుండగా, ఆయన కుమారుడు ఏడిద శ్రీరామ్ ఈ చిత్రాన్ని సమర్పిస్తున్నారు.
“ఫస్ట్ డే ఫస్ట్ షో” సరికొత్త కామెడీ ఎంటర్ టైనర్. రాధన్ సంగీతం అందిస్తున్న ఈ చిత్రం నుండి మొదటి లిరికల్ వీడియో “మజ్జా మజ్జా” సాంగ్ ని విడుదల చేసి ఆడియో ప్రమోషన్లను ప్రారంభించింది చిత్ర యూనిట్.
హీరో తన ప్రేయసి ఉద్దేశించి పాడుకున్న ఈ పాట కాలేజీ నేపధ్యంలో క్లాస్ గా మొదలై పెప్పీ డ్యాన్స్ నెంబర్ గా టర్న్ తీసుకోవడం ఆసక్తికరంగా వుంది. వంశీధర్ గౌడ్ , వాసు వలబోజుల తెలంగాణ యాసలో పాటకు రాసిన సాహిత్యం క్యాచిగా వుంది.
♫ నా గుండె గిలాగిలా కొట్టుకుంటాందే
నా పాణం విలావిలా మొత్తుకుంటునాదే
నీవు చూడకు జర నవ్వుకు నన్ను ఆగం చెయ్యకే
మురిపియ్యకు జలకియ్యకు నన్ను బద్నాం చెయ్యకే ♫
పాటలో వినిపించిన లిరిక్స్ సరదాగా అలరిస్తున్నాయి. ఆంథోని దాసన్ ఫుల్ ఎనర్జిటిక్ గా పాడిన ఈ పాటకు విశ్వ రఘు మాస్టర్ డిఫరెంట్ కొరియోగ్రఫీ అందించారు.
శ్రీకాంత్ రెడ్డి తన డ్యాన్స్ మూవ్స్తో ఆకట్టుకున్నాడు. సంచితా బషు అందంగా కనిపించింది.
జాతిరత్నాలు దర్శకుడు అనుదీప్ కెవి ఈ చిత్రం రైటింగ్ విభాగంలో వున్నారు. ఈ చిత్రానికి కథ అందించిన అనుదీప్, వంశీధర్ గౌడ్, కళ్యాణ్ లతో పాటు స్క్రీన్ ప్లే కూడా అందించారు. ఈ చిత్రానికి డైలాగ్స్ను అనుదీప్ కెవి, వంశీధర్ గౌడ్ రాశారు.
వంశీధర్ గౌడ్, లక్ష్మీనారాయణ పి సంయుక్తంగా ఈ చిత్రానికి దర్శకత్వం వహిస్తున్నారు. ప్రశాంత్ అంకిరెడ్డి సినిమాటోగ్రాఫర్ గా, మాధవ్ ఎడిటర్ గా పని చేస్తున్నారు.
తారాగణం: శ్రీకాంత్ రెడ్డి, సంచిత బాషు, తనికెళ్ల భరణి, వెన్నెల కిషోర్, శ్రీనివాస్ రెడ్డి, మహేష్ ఆచంట, ప్రభాస్ శ్రీను, గంగవ్వ, సివిఎల్ నరసింహారావు, వంశీధర్ గౌడ్, సాయి చరణ్ బొజ్జా
సాంకేతిక విభాగం
సమర్పణ: ఏడిద శ్రీరామ్
కథ: అనుదీప్ కెవి
నిర్మాత: శ్రీజ ఏడిద
దర్శకత్వం: వంశీధర్ గౌడ్, లక్ష్మీ నారాయణ పి
స్క్రీన్ ప్లే: అనుదీప్ కెవి, వంశీధర్ గౌడ్, కళ్యాణ్
డైలాగ్స్: అనుదీప్ కెవి, వంశీధర్ గౌడ్
సంగీతం: రాధన్
డీవోపీ: ప్రశాంత్ అంకిరెడ్డి
ఎడిటర్: మాధవ్
పీఆర్వో : వంశీ-శేఖర్
