ముంబాయి కి చెందిన ప్రముఖ మీడియా సంస్థ ‘వయాకామ్ 18 మీడియా’ ప్రతిష్టాత్మక ‘వైజయంతి సంస్థ’ తో చేతులు కలపనుంది. వైజయంతి మూవీస్ కింగ్ నాగార్జున – నాచురల్ స్టార్ నాని కాంబినేషన్ లో నిర్మిస్తున్న క్రేజీ మల్టీస్టారర్ ‘దేవదాస్’ చిత్రానికి వయా కామ్ 18 భాగ స్వామిగా దక్షిణాది చిత్ర సీమ లో అడుగు పెట్టనున్నారు.

ఈ సందర్భంగా నిర్మాత అశ్వినిదత్ మాట్లాడుతూ, ” వయా కామ్ 18 తో భాగస్వామి గా కావడం చాలా ఆనందంగా ఉంది. వారితో కలిసి పనిచేయడం గౌరవంగా భావిస్తున్నాం. ‘దేవదాస్’ తో దక్షిణాది చిత్ర సీమ లోకి ప్రవేశిస్తున్న వారికి టాలీవుడ్ తరఫున ఘన స్వాగతం పలుకుతున్నాం.”

వయా కామ్ 18 COO. అజిత్ అంధారే మాట్లాడుతూ, ” అశ్వినిదత్ గారి ప్రఖ్యాత వైజయంతి మూవీస్ సంస్థ భాగస్వామ్యం లో భారీ చిత్రం ‘దేవదాస్’ తో తెలుగు చిత్రసీమ లో కి ప్రవేశిస్తున్నందుకు చాలా గర్వంగా, సంతోషంగా ఉంది. మా సంస్థ తెలుగు లో అనేక దశాబ్దాల అనుభవం ఉన్న దత్ గారు, వైజయంతి మూవీస్ భాగస్వామ్యం తో మరింతగా విస్తరించేందుకు కృషి చేస్తాం. కింగ్ నాగార్జున – నాచురల్ స్టార్ నాని ల కలయికలో టాలెంటెడ్ డైరెక్టర్ శ్రీరామ్ ఆదిత్య దర్శకత్వంలో వస్తున్న, అందరూ ఎంత గానో ఎదురు చూస్తున్న ‘దేవదాస్’ తో వస్తున్నందుకు చాలా ఆనందంగా ఉంది.”

కింగ్ నాగార్జున – నాచురల్ స్టార్ నాని హీరోలు గా, రష్మిక మందన్న, ఆకాంక్ష సింగ్ హీరోయిన్లు గా శ్రీరామ్ ఆదిత్య దర్శకత్వంలో మెగా మేకర్ అశ్వినిదత్ వైజయంతి మూవీస్ బ్యానర్ పై నిర్మిస్తున్న దేవదాస్ షూటింగ్ పూర్తి చేసుకుని నిర్మాణానంతర పనుల చివరి దశలో ఉంది. మణిశర్మ సంగీతం అందిస్తున్న ఈ చిత్రానికి సంబంధించి విడుదలైన మూడు పాటలూ చార్ట్ బస్టర్స్ గా నిలిచి విశేషాదరణ పొందాయి.

‘దేవదాస్’ ప్రపంచ వ్యాప్తంగా సెప్టెంబర్ 27 న విడుదల కానుంది.

ఇతర ముఖ్య పాత్రల్లో నరేష్ వికె, రావు రమేష్, వెన్నెల కిషోర్, అవసరాల శ్రీనివాస్ తదితరలు నటిస్తున్న ఈ చిత్రానికి

దర్శకత్వం : శ్రీరామ్ ఆదిత్య
నిర్మాత : అశ్వినిదత్
బ్యానర్ : వైజయంతి మూవీస్, వయా కామ్ 18 మీడియా ప్రైవేట్ లిమిటెడ్
సంగీతం : మణిశర్మ
డీ ఓ పి : శాందత్ సైనుద్దేన్
ఆర్ట్ : సాహి సురేష్